DOT TO DOT

Ana Gamboa Pardok zuzentzen duen arkitektura-estudioa da DOT TO DOT. 

Arkitekto egin zen ETSAB arkitektura-eskolan, eta ingeniaritza- eta eraikuntza-arloko enpresetan ekin zion lan-ibilbideari. Han, erakutsitako lan batzuk egin zituen 2000. eta 2016. urteen artean, eta azken urte horretan hasi zuen proiektu berria, egindako ibilbidearen uzta. Diziplina anitzeko lan-inguruneetan ibili denez, eskarmentu handia dauka eraikuntza-prozesua eratzen duten askotariko fase eta arloetan.

Gure lanean, gogoan dugu espazioek eta arkitekturak pertsonen ongizatean duten eragina, bai eta espazio horiek enpresetan eskuratu dezaketen eragin izugarria ere. 

Gure lanean, gogoan dugu espazioek eta arkitekturak pertsonen ongizatean duten eragina, bai eta espazio horiek enpresetan eskuratu dezaketen eragin izugarria ere. 

Lanerako, aisialdirako eta harremanak egiteko tokiek zehazten digute nortasuna, eta espazio horiexek transmititzen dituzte gure balioak; horregatik gustatzen zaigu guneak pertsonalizatzea.

LAN-EREDUA

Proiektu bakoitzerako neurrira egindako taldearekin egiten dugu lan, diziplina guztiak hartzen dituzten kolaboratzaileekin, proiektu zehatz bakoitzerako irtenbide onenak eta egokienak lortzeko xedez.

Profesional adituen sarea gara, eta bezeroarekin komunikazio estu eta arina duen proiektu-koordinatzaile baten gidaritzapean egiten dugu lan. 

TRADIZIOA ETA TEKNOLOGIA

Arkitektura eta giro funtzionalak sortzea dugu helburu, kalitate estetiko handiarekin eta kokapenarekin konprometituta. Gure ikuspegian, berrikuntza-jarrera eta tradizioa konbinatzen ditugu.

GURE METODOLOGIA

DOT TO DOTen, kudeaketa-sistema propioa erabiltzen dugu, zerbitzu guztietan eusteko kalitate handienari. Horri begira, enpresa-eredu sortzaile eta diziplina anitzeko batentzat egokienak diren prozedurak jasotzen dituen barne-mailako eskuliburua daukagu. Halaber, indarreko araudi teknikoa zorrotz betetzeko irizpideak jasotzen dira bertan. 

BIM

BIM (Building Information Modeling) metodologia ezartzen dugu proiektuak diseinatzeko eta egiteko orduan, beharrezkoa bada.

Gure ingurunea eraikitzen eta eratzen duten datuen multzoaren gaineko ikuspegi orokorra edukitzea ahalbidetzen die BIM metodologiak arkitektoei. Bezeroekin, kolaboratzaileekin eta beste agente batzuekin denbora errealean jarduteko gaitasuna ematen du BIM metodologiak, eta, beraz, tartean dauden aldeek sartzen dituzten aldaketen ondorioak simulatzen, kudeatzen eta automatikoki eguneratzen dituen diseinu- eta kudeaketa-tresna oso efizientea da. 

JASANGARRITASUNA:
DISEINUA, PROZESUA
ETA EMAITZA.

Jasangarritasuna adimendun marketina baino gehiago da, eta DOT TO DOTek diseinu- eta eraikuntza-estrategia jasangarriak aplikatzen ditu bere proiektu eta eraikinetan, LEED ziurtapen-sistemaren bidez ziurtatuz horiek, proiektuak hala eskatzen duenean.

Etorkizuneko eraikin jasangarriek izan behar dutenaren gaineko ikuspegi integraletik jorratzen da jasangarritasuna.

BIM

Building Information Modeling eraikuntza-proiektuak sortzeko eta kudeatzeko elkarlaneko lan-metodologia da. Proiektuaren informazioa agente guztiek sortutako informazio-eredu digital batean zentralizatzea du helburu.   Planoan oinarritzen diren diseinu-sistema tradizionalen bilakaera da BIM, informazio geometrikoa (3D), denborazkoa (4D), kostuei dagokiena (5D), ingurumenari dagokiona (6D) eta mantentze-lanei dagokiena (7D) txertatzen baititu ereduan.   BIM erabiltzea diseinu-faseetatik harago doa, proiektuaren egikaritzea bera hartzen baitu eta eraikinaren bizi-ziklora hedatzen baita, bizi-ziklo hori kudeatzea eta eragiketa-kostuak murriztea ahalbidetuz.

LEED

Leadership in Energy & Environmental Design (LEED) sistema, eraikin berdeak sailkatzeko prozedura da, Estatu Batuetako Eraikuntza Berderako Kontseiluak (U.S. Green Building Council) garatu duen kategorizazio-estandarra ezartzen duena. Edozein eraikin mota jasangarria izateko estrategiak erabiltzeko arauen multzoa eratzen du. Kontu hauekin zerikusia daukaten alderdiak txertatzen ditu: energia-efizientzia, ordezko energien erabilera, barrualdeko ingurumen-kalitatearen hobekuntza, ur-kontsumoaren efizientzia, partzelako toki libreen garapen jasangarria eta materialen hautaketa. Eraikuntza ekologiko eta jasangarria aurrera eramateko jarduerak oro har garatzea sustatzen du, mundu-mailan ulertzen eta onartzen diren tresnen eta errendimendu-irizpideen bidez. Eraikin berdeei ematen zaien ziurtapen-sistema da Green Building Council, eta aitortza handiena dauka nazioartean.

Política de cookies
Utilizamos cookies propias y de terceros para mejorar tu accesibilidad, personalizar y analizar tu navegación. (+ info)